Inga Bríet fjörkálfur

Það var nóg um að vera hjá Ingu Bríeti um helgina eins og alltaf. Á föstudaginn fórum við í grill til Arnars og Tinnu, og þá var mikið stuð hjá Ingu að leika við Emblu Eik. Daníel Darri fylgdist tjillaður með. Þetta minnti á grillstemmninguna hjá okkur í Danmörku, en þar bjuggum við á tímabili í sömu byggingunni og borðuðum saman a.m.k. einu sinni í viku:)

Á laugardaginn fórum við í kaffi til langömmu Ingu, en þar var stórfjölskyldan mætt. Þar hitti Inga Bríet fyrir Þorgerði og Pétur, og má segja að þeim hafi tekist í sameiningu að mylja kleinum út um alla íbúð. Um kvöldið fórum við svo í mat til Kristínar, Kjartans og Silju. Við fórum í popppunkt sem ég og Bjössi unnum. Það er gott að ég veit svona mikið um tónlist!:)

Í gær fórum við í göngutúr, kíktum í heimsókn til Gunnars og Önnu í nýja húsið og enduðum skemmtilega helgi í mat í Réttó hjá mömmu og pabba. Þar voru líka Ásrún og fjölskylda. Inga er alltaf í essinu sínu þegar hún hittir systkinabörn mín. Hún og Bergur léku sér úti í garði sem Ingu finnst frekar mikið sport. Inga var með lítinn sóp á pallinum og keyrði um á litlum bíl. Garðurinn er mjög skjólsæll og þar á eftir að vera mikið fjör í sumar hjá frændsystkinunum!:)

Svo líður bara að Júróvisjon sem er svaka skemmtilegt fyrir júróvisjonnerda eins og mig. Júróvisjon og kosningar auðvitað:) hehe