Þrír góðir gullmolar....

• Við fórum með 2 skókassa í söfnuna "jól í skókassa" um seinustu helgi. Ég sagði við Ingu þegar við vorum að kaupa tannbursta og tannkrem, til að setja í skókassann, að við ætluðum að gefa börnum sem ættu ekki mömmu og pabba þetta. Þá sagði sú stutta: " Fá þau að bursta sig sjálf??"
• Inga Bríet í aftursætinu: Mamma, veistu, regnboginn þurrkar rigningu því sólin sko hitar regnbogann. Sólin er sko mamma regnbogans:)
• Diskarnir voru ennþá á borðinu frá því í gærkvöldi þegar við komum fram í morgun. Þá sagði Inga Bríet: Mamma, við erum bara eins og Kasper, Jesper og Jónatan. Við gleymum bara að taka til.....

Kristinn á náttfataballi:)

Sæti snúðurinn unir sér vel á leikskólanum:)

Mamma, Dittinn meira kakó.....

svona er pilturinn orðinn duglegur að tjá sig.

Hann segir líka lekkoli sem þýðir að sjálfsögðu leikskóli:). Hann er alltaf að læra ný nöfn og segir nöfnin á nokkrum krökkum á deildinni sinni og á deildarstjóranum. Hann kann líka að segja Bergur "Beggu" og Pétur "Pedu" , þó hann kjósi nú að stríða honum með því að kalla hann afa núna:).
Hann segir bíll, voff voff, kubba og svo segir hann "daginn" þegar við mætum fólki á göngu:).

Einn gullmoli frá Ingu Bríeti í lokinn. Hún spurði mig hvort íþróttaálfurinn ætti bara þessu bláu föt. Ég jánkaði því. Þá sagði hún strax: "Sullar hann þá aldrei á sig??"

Duglegi Kristinn

Kristinn er stöðugt að bæta í orðaforðann þessa dagana. Hann er farinn að segja já, sem er mikið gleðiefni:). Hann segir líka kakó þegar hann vill fá kókómjólk og bendir á ýmislegt og segir "þetta er .......". Hann segir líka "atibæbæ" þegar hann vill sjá Latabæ. Latibær er í miklu uppáhaldi hjá honum og hann er orðinn ansi góður í að herma eftir íþróttaálfinum með ýmsum hreyfingum.

Hann er búinn að læra ýmislegt í leikskólanum, eins og að segja "takk fyrir" þegar hann er búinn að borða. Honum finnst gaman að teikna og leira og þegar ég náði í hann í dag var hann að púsla. Annars eru boltar ennþá í uppáhaldi hjá honum þó bílar séu orðnir þónokkuð vinsælir. Honum finnst líka rosa gaman að kubba og er farinn að geta byggt háa turna.

Kubbastund

Mesti snúður í heimi

Frændsystkinin í Katlagili í sumar

Líf og fjör

Þarna eru börnin að kalla í Línu langsokk, sem býr víst í húsinu þarna í fjarska:)

Ingveldur, Kristinn, Bergur, Inga og Karen

Í fyrsta skipti til tannlæknis

Ég fór með Ingu til tannlæknis í fyrsta skipti í dag. Inga stóð sig eins og hetja og tannlæknirinn hrósaði henni mikið hvað hún væri dugleg. Óhætt að mæla með þessum tannlækni ef einhver er að fara með barn í skoðun fljótlega.
Hann byrjaði á því að gefa henni tannbursta, sem hún fékk að velja. Því næst rispaði hann nafnið hennar með bornum í tannburstann. Hann leyfði henni svo að tannbursta bangsa sem svo spýtti vatni út úr sér þegar hún var búin við mikla kátínu. Hann blés upp blöðru með loftinu í stólnum og hún fékk líka að prófa stólinn, færa hann upp og niður, fram og til baka o.s.frv. Svo setti hann vatn í glas og leyfði henni að soga það upp með sugunni. Hún fékk að prufa videogleraugu og velja sjálf myndina. Svo leyfði hann henni að nýta stólinn sem rennibraut:).
Það var því lítið mál fyrir hann að fá hana til að opna munninn og leyfa honum að skoða tennurnar, nota tannþráð og setja flúor á. Tennurnar voru allar í fínu lagi:)

Hún fór því alsæl heim með tannbursta, blöðru og verðlaun; hring og bleikan gorm:).

Sætust!:)

"Bíddu aðeins Inga mín...

....ég er að sinna bróður þínum, ég get ekki gert allt í einu" sagði ég. Þá svaraði Inga: " Mamma, þú getur það alveg, þú ert með tvær hendur!"