Inga og ímyndunaraflið....

"Mamma hlaupum, það er draugur að koma....."
"Passaðu þig, ljónið......"
og núna seinast í morgun þegar við vorum að labba í leikskólann í gegnum trjágöng hérna í Fossvoginum, þá segir litla krúttið: "Núna erum við í frumskóginum mamma."

Inga er rosalega dugleg að leika sér. Situr með fullt af dóti og talar við dótið. Var til dæmis með fullt af lego-i í gær og sagði: "jæja krakkar, sitið þið hér......það er nóg pláss fyrir alla....ég passa ykkur...." o.s.frv. Við vorum líka að þykjast vera i flugvél um daginn, þ.e. ég, Inga, Kristinn og tonn af böngsum. Ég lék flugstjórann inn á milli og sagði að allir ættu að vera prúðir og stilltir í flugvélinni, spenna beltin og svoleiðis. Inga lék þetta auðvitað eftir og sagði allt í einu kæfðri og nefmæltri röddu: "Góðir farþegar, spennið beltin!"