Langt síðan seinast

Það er alltaf nóg að gerast hjá Ingu Bríeti. Hún er alltaf að gera eitthvað nýtt, t.d. er hún byrjuð að ganga um með dótakassann eða "göngugrindina" sína. Hún er með rosa gott jafnvægi, dettur sjaldan. Lætur sig yfirleitt síga mjúklega á bossann:) Gleymir sér stundum og sleppir báðum höndum. Hún er rosalega snögg og finnst að sjálfsögðu allt sem er bannað vera mest spennó, eins og öllum börnum.

Hún er eitthvað að bæta í "orðforðann". Hún bendir til dæmis á ljós og segir "sss", segir hæ og bæ, týnd "dí", taka "tada" ......man ekki meira í bili. Jú....eitt í viðbót. Hún á síma með tökkum og ef maður ýtir á einn á tökkunum þá heyrist bye bye baby. Inga náði að segja þessa setningu um daginn, oftar en einu sinni! hehehe

Tennurnar sjást líka vel núna, sérstaklega þegar hún brosir. Spurning hvort það fari einhverjar að koma upp í neðri góm.

Set inn myndir fljótlega.