9 mánaða skvísa!

Jæja, þá er daman orðin 9 mánaða og maður er alltaf jafn hissa á því hvað tíminn líður. Þessa dagana er hún á fleygiferð út um allt og það vinsælasta er að láta hluti detta og segja "datt". Hún segir það líka ótrúlega skýrt, alveg 2 t :). Hún segir líka dót. Svo klár!

Inga Bríet er ekki komin með neinar tennur ennþá. Mér finnst það nú bara ágætt þar sem að ég er ennþá með hana á brjósti :).

Hún er ótrúlegur orkubolti og ótrúlega sterk. Best að passa upp á hárið á sér og að klippa neglurnar á henni reglulega, annars getur maður lent illa í því!:) hehe.... Ég er allavega með einn skallablett eftir hana eftir að henni tókst að rífa með rótum góðan lokk um daginn. Hann er vonandi á lítið áberandi stað.

Annars er hún alltaf hress og kát, síbrosandi og skemmtileg. Sætust í heimi!

Já og Sjöfn, ég skal taka myndir á eftir og setja inn:)