Inga á launaskrá?

Langt síðan ég hef sett inn gullmola frá Ingu Bríeti. Hún er alltaf jafn sniðug!

Ég var að ná í hana í leikskólann um daginn og við vorum að keyra heim. Sólin fór eitthvað í augun á Ingu og hún kallaði ákveðið: "Hættu sól!!!!"

Ég var að lesa fyrir hana fyrir svefninn í gær. Þegar við vorum búnar með hálfa bók þá lokaði Inga bókinni og sagði:"Mamma, þetta ekki skemmtilegt, Inga ná í aðra bók".

Þegar ég næ í Ingu í leikskólann þá fæ ég iðulega að heyra sögur af henni frá kennurunum:). Í dag háttaði hún minnstu stelpuna á deildinni fyrir svefninn! - sú sama og hún mataði um daginn. Leikskólakennarinn sagði hún þyrfti að fara að setja Ingu á launaskrá!