Tveir montrassar

Sæl og glöð systkini

2011-07-06T16:49:00.000-07:00

Alltof langt síðan seinast......

2011-07-04T17:45:00.000-07:00

Þessi síða hefur ekki verið uppfærð í alltof langan tíma. Myndin hér að ofan er tekin í maí. Þarna eru systkinin prúðbúin á leiðinni út að borða:)

Það er allt gott að frétta, og ég held að ég sleppi því að reyna að rifja upp allt það skemmtilega sem hefur gerst undanfarið ár. Læt í staðinn fylgja gullmola:

Inga Bríet var að hlusta á Pál Óskar um daginn, og þá á lagið "Ég er eins og ég er, hvernig á ég að vera eitthvað annað........ég er eins og ég er og biðst ekki afsökunar á neinu...." Þá segir Inga Bríet strax: Af hverju biðst Páll Óskar ekki afsökunar á neinu???

Kristinn Tjörvi er mjög upptekin af því að hann sé að verða stóri bróðir í desember:) Hann segist ítrekað geta lánað barninu hitt og þetta. Svo sátum við saman inni í eldhúsi um daginn og hann sá að það er ennþá beisli fast við stólinn hans. Hann nefndi þá að barnið gæti setið þar. Þá sagði ég við hann að hann gæti þá fengið Ingu sæti og Inga gæti setið í fullorðinsstól. Þá bætti hann við: "Og pabbi borðar þá bara frammi......"

Á ferð um landið sumarið 2010

2010-09-10T03:00:00.000-07:00

Inga blómarós

Veiðimaðurinn hress

flottust!

íþróttagarpar

2010-09-10T02:54:00.000-07:00

Kristinn var ekki lengi að biðja um að fá að fara í fótboltabúninginn þegar hann heyrði að Inga væri að fara í fimleika.

Inga spennt að fara á fyrstu fimleikaæfinguna:)

Kristinn og Inga?

2010-08-10T16:26:00.000-07:00

Eða ég og Ásrún? hehe..........Kristinn heldur allavega að þetta sé hann:)

Inga bleika:)

2010-07-15T15:59:00.000-07:00

Nývöknuð og sæl

Sumarhátíð á leikskólanum:)

Kristinn stuðbolti

2010-07-15T15:56:00.000-07:00

Hress með hlaupabólu í morgunsárið

Líf og fjör!

Loksins myndir

2010-07-14T15:10:00.000-07:00

Inga Bríet og Kristinn Tjörvi nýbúin með frostpinna:)

Karen og Inga Bríet

Fréttir af sætu systkinunum

2010-06-24T16:09:00.000-07:00

Hlaupabólan mætti galvösk inn á heimilið í júní. Fyrst fékk Kristinn hana og núna er Inga greyið heldur betur skrautleg. Ég nýtti tækifærið á meðan Kristinn var með hlaupabóluna og tók af honum bleyjuna og það gekk eins og í sögu. Núna er heimilið í fyrsta skipti bleyjulaust síðan í febrúar 2006!

Annars er allt gott að frétta. Það er gaman að fylgjast með hvað Kristinn og Inga eru góð saman og miklir vinir. Auðvitað eiga þau það til að pirra hvort annað, en það er bara eðlilegt. Flestum stundum una þau sér vel saman og finnst fátt skemmtilegra en að vera úti á palli eða fyrir framan hús að kríta eða hjóla.

Kristinn er algjörlega altalandi. Eins og hann er fjörugur, alltaf úti um allt að gera æfingar eins og íþróttaálfurinn, þá er hann líka mjög varkár. Honum er t.d. meinilla við að keyra nálægt vatni og segir iðulega við þær aðstæður: "pabbi, ekki detta í stóra baðið":) Einu sinni bætti hann líka við: "Þetta er ekki krókódílavatn, neiiiiiiii....."
Einu sinni sagði hann alltaf þegar hann var ítrekað að biðja um eitthvað "eitt í viðbót og svo búið". Núna segir hann: "eitt í viðbót........og svo meira og meira og meira........." og setur upp þvílíkt glott! Hann er alltaf brosandi og það er greinilega mjög gaman að vera hann!

Inga Bríet er rosalega góð við bróður sinn. Hún sagði við mig um daginn: "mamma, ég er svo glöð með hvað Kristinn er duglegur að pissa í koppinn". Hún er með þvílíka verndartilfinningu gagnvart honum og hann er heldur betur í öruggum höndum þegar hann byrjar á leikskólanum hennar í haust:)

Fyrsta módelverkefni móðurinnar:)

2010-05-17T15:49:00.000-07:00

aftur ég lítil:)

2010-05-17T15:31:00.000-07:00

Fleiri úr albúmum ömmu og afa:)

Ég úti í garði hjá ömmu og afa.

2010-05-17T03:47:00.001-07:00

Rakst á þessar skemmtilegu myndir af mér í myndaalbúmi sem amma Herborg og afi Þórir áttu. Aldeilis kósý hjá mér:) Ætli ég sé ekki á sama aldri og Inga Bríet.

Núna er ykkar að dæma hvort ég eigi eitthvað í krílunum mínum:)

Inga Björnsson

2010-04-27T16:22:00.000-07:00

segir Kristinn Tjörvi þegar hann mislíkar eitthvað sem systir hans er að gera:)

Hann talar út í eitt og er mjög skiljanlegur, farinn að segja brandara og plata og svona. Mikið fjör á þessum bæ eins og alltaf!

gullmoli

2010-03-22T13:01:00.000-07:00

Inga sagði mér í dag að vinkona hennar væri að fara til Noregs. Ég spurði hana hvað hún yrði lengi. Þá sagði Inga:

Hún verður í 160 ár, og bætti svo við að það væri það sama og ein vika:)

Fyndnast í heimi

2010-03-14T15:23:00.000-07:00

Það er ekkert fyndnara í augum Ingu en kúkur og prump og allt sem því tengist! Í kvöld sló móðir hennar á létta strengi og söng frumsamið lag fyrir hana um þetta skemmtilega efni. Inga hló og hló og sagði svo:

Hvar lærðir þú þetta lag mamma? Í háskólanum???

Börnin árinu eldri

2010-03-07T01:30:00.000-08:00

Inga og Kristinn áttu afmæli um daginn og nutu þess í botn. Við héldum sameiginlega veislu handa þeim og svo fékk Inga Bríet líka að halda leikskólaafmæli:).

Inga Bríet fékk m.a. Palli var einn í heiminum í afmælisgjöf. Ég las hana fyrir hana um daginn og þegar leið á bókina sá ég að hún tók mikið á hana. Þegar sagan var búin sagði hún: " Ég fæ bara tár af þessari bók" og vildi að ég myndi láta hana hverfa út í buskann. Ég ítrekaði mörgum sinnum að þetta væri bara draumur hjá Palla og að hún myndi aldrei vera ein í heiminum. Úr varð að hún fékk að sofna frammi í faðmi foreldranna. Í stað þess að bókin yrði látin hverfa fyrir fullt og allt lagði Inga til að við myndum geyma hana uppi á háalofti þar til hún yrði 6 ára:)

Kristinn er orðinn altalandi allt í einu. Það þýðir ekki lengur að telja upp orðin sem hann kann því þau eru svo mörg. Hann er duglegur að tjá sig og mynda setningar. Hann sagði til dæmis í gærkvöldi: "mamma, illt í maganum" og strauk sér um kviðinn. Hann er líka farinn að kunna heilu lögin, heyrði hann söngla um daginn: "brúnn, bleikur banani, appelsína talandi......."

Inga dugleg að teikna

2010-03-07T01:28:00.001-08:00

Á öskudaginn

2010-02-18T15:32:00.000-08:00

"mamma, ég er búin að breyta reglunum......"

2010-01-20T06:36:00.001-08:00

Inga er mikið fyrir að breyta reglunum þessa dagana. T.d. lagði hún til að þegar maður jánkar einhverju (höfuðhreyfing) þá þýðir það nei og þegar maður hristir hausinn þá er það jákvætt svar.

Eins fannst henni stórsniðugt að senda frekar þæga krakka í skammarkrókinn, en leyfa þeim óþægu að ganga frjálsum:).

Ef Inga gerir eitthvað af sér og ég er að lesa henni pistilinn þá segir hún oft: "en mamma, ég var bara að grínast...."

Maður kemur aldrei að tómum kofanum hjá Ingu Bríeti.

Ný orð og setningamyndun á hverjum degi.

2010-01-05T08:17:00.000-08:00

Kristinn er orðinn rosalega duglegur að tala. Þegar pabbi hans bauð honum Cherioos í morgun þá sagði sá stutti: Nei, kodda. Hann er með skoðanir á flestu og er mjög var um eignaréttinn sinn. Hann sagði líka : Inga lúlla í lúminu(rúminu). Ég spurði hann áðan hvort ég ætti að halda á honum þá sagði hann: Nei, leiða mig. Maður sér líka á honum hvað hann er ánægður með að við skiljum hvað hann vill:)

Inga er alltaf jafn skemmtileg og naut jólanna í botn, veislukonan sjálf. Hún veltir öllu fyrir sér og spurði mig í gær hvað væri eiginlega undir stéttinni:)

Piparkökudagur á leikskólanum hennar Ingu Bríetar:)

2009-12-10T03:04:00.000-08:00

Inga mjög einbeitt en Kristinn smakkaði jafn óðum það sem hann skreytti:)

Kurteisi Kristinn

2009-12-08T03:52:00.001-08:00

Þegar við vorum á leiðinni út úr dyrunum í leikskólanum í gær sagði ég við Kristin: Ætlarðu ekki að segja bless og takk fyrir daginn?
Þá sagði sá stutti hátt og snjallt: Takk fyrir daginn

Hann segir líka takk fyrir mig.

Hann sagði við mig þegar ég kom fram í morgun: Mamma búin lúlla:).

Hann bætir við sig orðum á hverjum degi og apar allt upp sem er sagt við hann. Áður en við vitum af verður hann orðinn altalandi:). Þá verður fjör!

Fjör á náttfataballinu hjá Ingu Bríeti:)

2009-12-05T06:28:00.000-08:00

Enn og aftur gullmolar

2009-11-23T03:06:00.000-08:00

Inga Bríet: Mamma, stækkar maður af því að borða nammi.
Ég: Nei Inga mín.
Inga Bríet: Af hverju er Glanni glæpur þá svona stór??
Ég: uuuuuuuh..... hann borðaði alltaf hollan mat þegar hann var lítill.

Það var tyggjóklessa á borðinu. Inga bendir á hana og segir: Mamma, þetta er eins og gamall karl í sólbaði með derhúfu.....

Nokkrar af leikskólanum hjá Ingu Bríeti.

2009-11-17T05:23:00.000-08:00

Inga í Fossvogsdalnum

Inga með vinkonum sínum.

Notalegt í dalnum.

Krakkarnir á Birkilundi með fallegu skipin sín:)

Kristinn ánægður með að fá köku í drekkutímanum í leikskólanum:)

2009-11-17T05:16:00.000-08:00

Þrír góðir gullmolar....

2009-11-10T13:59:00.000-08:00

Við fórum með 2 skókassa í söfnuna "jól í skókassa" um seinustu helgi. Ég sagði við Ingu þegar við vorum að kaupa tannbursta og tannkrem, til að setja í skókassann, að við ætluðum að gefa börnum sem ættu ekki mömmu og pabba þetta. Þá sagði sú stutta: " Fá þau að bursta sig sjálf??"
Inga Bríet í aftursætinu: Mamma, veistu, regnboginn þurrkar rigningu því sólin sko hitar regnbogann. Sólin er sko mamma regnbogans:)
Diskarnir voru ennþá á borðinu frá því í gærkvöldi þegar við komum fram í morgun. Þá sagði Inga Bríet: Mamma, við erum bara eins og Kasper, Jesper og Jónatan. Við gleymum bara að taka til.....

Kristinn á náttfataballi:)

2009-11-06T15:02:00.000-08:00

Sæti snúðurinn unir sér vel á leikskólanum:)

Mamma, Dittinn meira kakó.....

2009-11-05T13:23:00.000-08:00

svona er pilturinn orðinn duglegur að tjá sig.

Hann segir líka lekkoli sem þýðir að sjálfsögðu leikskóli:). Hann er alltaf að læra ný nöfn og segir nöfnin á nokkrum krökkum á deildinni sinni og á deildarstjóranum. Hann kann líka að segja Bergur "Beggu" og Pétur "Pedu" , þó hann kjósi nú að stríða honum með því að kalla hann afa núna:).
Hann segir bíll, voff voff, kubba og svo segir hann "daginn" þegar við mætum fólki á göngu:).

Einn gullmoli frá Ingu Bríeti í lokinn. Hún spurði mig hvort íþróttaálfurinn ætti bara þessu bláu föt. Ég jánkaði því. Þá sagði hún strax: "Sullar hann þá aldrei á sig??"

Duglegi Kristinn

2009-10-29T15:13:00.000-07:00

Kristinn er stöðugt að bæta í orðaforðann þessa dagana. Hann er farinn að segja já, sem er mikið gleðiefni:). Hann segir líka kakó þegar hann vill fá kókómjólk og bendir á ýmislegt og segir "þetta er .......". Hann segir líka "atibæbæ" þegar hann vill sjá Latabæ. Latibær er í miklu uppáhaldi hjá honum og hann er orðinn ansi góður í að herma eftir íþróttaálfinum með ýmsum hreyfingum.

Hann er búinn að læra ýmislegt í leikskólanum, eins og að segja "takk fyrir" þegar hann er búinn að borða. Honum finnst gaman að teikna og leira og þegar ég náði í hann í dag var hann að púsla. Annars eru boltar ennþá í uppáhaldi hjá honum þó bílar séu orðnir þónokkuð vinsælir. Honum finnst líka rosa gaman að kubba og er farinn að geta byggt háa turna.

Kubbastund

2009-10-29T06:53:00.001-07:00

Mesti snúður í heimi

2009-10-29T06:52:00.001-07:00

Frændsystkinin í Katlagili í sumar

2009-10-29T06:43:00.000-07:00

Líf og fjör

Þarna eru börnin að kalla í Línu langsokk, sem býr víst í húsinu þarna í fjarska:)

Ingveldur, Kristinn, Bergur, Inga og Karen

Í fyrsta skipti til tannlæknis

2009-10-28T16:45:00.000-07:00

Ég fór með Ingu til tannlæknis í fyrsta skipti í dag. Inga stóð sig eins og hetja og tannlæknirinn hrósaði henni mikið hvað hún væri dugleg. Óhætt að mæla með þessum tannlækni ef einhver er að fara með barn í skoðun fljótlega.
Hann byrjaði á því að gefa henni tannbursta, sem hún fékk að velja. Því næst rispaði hann nafnið hennar með bornum í tannburstann. Hann leyfði henni svo að tannbursta bangsa sem svo spýtti vatni út úr sér þegar hún var búin við mikla kátínu. Hann blés upp blöðru með loftinu í stólnum og hún fékk líka að prófa stólinn, færa hann upp og niður, fram og til baka o.s.frv. Svo setti hann vatn í glas og leyfði henni að soga það upp með sugunni. Hún fékk að prufa videogleraugu og velja sjálf myndina. Svo leyfði hann henni að nýta stólinn sem rennibraut:).
Það var því lítið mál fyrir hann að fá hana til að opna munninn og leyfa honum að skoða tennurnar, nota tannþráð og setja flúor á. Tennurnar voru allar í fínu lagi:)

Hún fór því alsæl heim með tannbursta, blöðru og verðlaun; hring og bleikan gorm:).

Sætust!:)

2009-10-27T15:56:00.000-07:00

"Bíddu aðeins Inga mín...

2009-10-21T10:52:00.001-07:00

....ég er að sinna bróður þínum, ég get ekki gert allt í einu" sagði ég. Þá svaraði Inga: " Mamma, þú getur það alveg, þú ert með tvær hendur!"

Inga og Jói Fel

2009-10-15T15:56:00.000-07:00

Við Inga vorum að horfa á Jóa Fel um daginn. Jói var að baka, hann hrærði hráefnunum saman, skellti í form og 2 sekúndum síðar var kakan sýnd tilbúin. Þá sagði Inga Bríet:

"Mamma, hann er miklu fljótari en þú að baka".

Sætar frænkur:)

2009-10-09T02:27:00.000-07:00

Tveir góðir gullmolar

2009-09-24T14:17:00.001-07:00

Þegar við Kristinn náðum í Ingu í leikskólann í dag þá sagði ég við Ingu að það væri nú bara gott veður úti. Inga svaraði um hæl: "Já, ég finn bara enga vindhviðu."

Inga Bríet fékk að sofna í sófanum hjá mér í kvöld því pabbi hennar er í fótbolta. Áður en hún sofnaði vorum við mæðgurnar að ræða jólin og jólasveinana. Ég sagði henni að jólasveinninn gæfi bara börnum sem svæfu í sínu rúmi í skóinn. Þá sagði Inga, sem veit fátt betra en að sofa í örygginu á milli foreldra sinna: "Ég þarf ekkert að fá í skóinn, ég á svo mikið dót".

Kristinn leikskólastrákur

2009-09-23T05:37:00.000-07:00

Kristinn Tjörvi er byrjaður á leikskóla og líkar vel. Hann var mjög fljótur að aðlagast, sjálfur mömmustrákurinn.

Ein góða af Kristni: Hann var kominn upp í í gærmorgun, og vildi svo ólmur komast á fætur. Bjössi lyfti honum yfir sig og niður á gólf. Kristinn tölti út úr herberginu og koma til baka skömmu síðar með Moggann og Fréttablaðið. Hrein snilld! Núna þarf bara að kenna honum á kaffivélina:).

Allt gott að frétta líka af stóru systur. Hún er alltaf jafn sniðug. Hún fór í 3 1/2 árs skoðun í gær og tók það í nösina!

Mamma, þetta er búið....

2009-09-02T14:42:00.000-07:00

....sagði sonur minn við mig í dag þegar hann var búinn með kringluna sína:). Þetta er fyrsta alvöru setningin hans, hann hefur áður bara sagt tvö orð saman eins og "mamma meira" og svoleiðis. Hann benti líka á mynd af sjálfum sér og sagði "Ditti".

Einn gullmoli frá stóru stelpunni í lokin. Við grófum upp framgarðinn hjá okkur fyrr í sumar og konan sem býr við hliðina á okkur gerði það líka. Hún er búin að setja hellur hjá sér en við erum ekki búin að gera neitt hjá okkur enn. Inga virti þetta fyrir sér í gær og sagði við mig:

"Mamma, af hverju er ekki búin að vaxa stétt hjá okkur??"

Nýtt af molunum

2009-08-29T15:53:00.000-07:00

Inga Bríet er komin á nýja deild í leikskólanum og er heldur betur ánægð með það. Hún segir öllum frá því sem hún hittir, að hún sé ekki lengur á deild með börnum sem eru með bleyju, snuð o.s.frv. Bara með stórum krökkum:) hehe....
Nýjasta nýtt er að muldra eitthvað "rjapsíkrúdell" og spyrja mig hvort ég viti hvað þetta þýði. Hún segist vera að tala útlensku:). Það er líka allt í "þykjó" núna. Ekki nógu cool að segja "í þykjustunni".

Kristinn er orðinn algjör krakki. Hann bætir rólega við nýjum orðum. Nýjasta hjá honum er að segja k(r)akkar og (h)oppa. Hann hoppaði líka jafnfætis um daginn og var ekkert smá hissa og montinn með sig.

Pottþétt skemmtun að vera nálægt Ingu Bríeti

2009-08-04T16:25:00.000-07:00

Við lentum við hliðina á mömmu og pabba á ljósum og það var auðvitað vinkað á milljón og svona. Á næstu ljósum segir Inga: "Hver er núna við hliðina á okkur?"
Ég leit snöggt til hliðar, sá rauðhærða konu með tvær fléttur og sagðist ekki vita það. Þá sagði Inga Bríet :"Kannski er þetta Lína langsokkur......" Við foreldrarnir sprungum auðvitað úr hlátri.

Við keyrðum líka fram hjá stóru skilti og þar var mynd af Páli Óskari. Þá sagðist Inga elska Pál Óskar. Stuttu seinna spurði hún mig hvort ég elskaði hann ekki líka og hvort mig langaði ekki til að knúsa hann. Ég spurði hana strax á móti hvort hún vildi ekki bara gera það. Nei, það vildi hún ekki en sagðist vilja sjá mig gera það......

Sommer

2009-07-29T12:07:00.001-07:00

Mesta stuðboltaprinsessa í heimi

Flott saman

Þessi er alltaf brosandi

Namm, ís!!!

Flott tríó:)

2009-07-28T15:08:00.000-07:00

Svo góð systkini:)

Kristinn að segja "dííííssssssss"

Krúttspengjur!:) Inga Bríet, Kristinn Tjörvi og Kristina Ósk:)

Litlu snillingarnir

2009-07-27T15:04:00.000-07:00

Inga benti mér á dýr í dýragarðinum og spurði mig hvað það héti. Ég sagðist ekki vita það. Þá sagði sú stutta: "Þarf þá ekki bara að skíra það??"

Kristinn er alltaf að bæta við orðum. Hann er eins og systir sín, alltaf brosandi og í stuði, þannig að hér á bæ er alltaf gaman. Hann elskar líka að láta taka myndir af sér, setur upp þvílíkt bros og segir: "Dííííssssssssss".

Set inn sumarfrísmyndir von bráðar:)

Stanslausar pælingar

2009-06-29T14:09:00.000-07:00

"Mamma, af hverju vorum við Kristinn í maganum á þér, borðaðir þú okkur?"
"Nei, Inga mín."
"Hvernig komust við þá í magann á þér??"

-ég náði að snúa mér einhvernveginn út úr þessu.....

Sól og sumar

2009-06-19T01:35:00.001-07:00

Systkinin hita upp að morgni 17. júní :)

Flottastur!

Silja María og Inga Bríet í villtri sveiflu að dansa við Jungle drumb.

Borðað úti í blíðunni í gær:)

Fleiri af sumarhátíð

2009-06-12T01:35:00.000-07:00

Sumarhátíð leikskólans

2009-06-11T13:54:00.000-07:00

Loksins var klukkan orðin 13:15 og sumarhátíðin að byrja.

Inga óhrædd í einum hoppikastalanum.

Svaka gaman!

Systkinin að róla.

Inga sæl og glöð eftir skemmtilegan dag.

Sæt og kát í appelsínugulu

2009-06-11T13:46:00.000-07:00

Upprennandi prakkari. Alltaf brosandi og í góðu skapi:)

Sveitaferð leikskólans

2009-06-11T13:40:00.001-07:00

Inga fékk að halda á kettlingi. .........

....og kanínu:)

Svo settist hún á þennan öfluga traktor:)

2009-06-08T14:20:00.000-07:00

Systkinin fagna sumrinu og góða veðrinu vel. Við erum mikið úti og það finnst þeim gaman. Inga er orðin dugleg að hjóla og Kristni finnst skemmtilegast að sparka í bolta. Krítarnar eru líka vinsælar og svo er litla húsið okkar á pallinum alltaf skemmtilegt.

Kristinn er alltaf að bæta við orðum, rosa duglegur að tala. Ný orð: hættu, aftur, búinn.

Inga er alltaf jafn sniðug. Hún var t.d. inni í húsinu úti á palli í morgun ásamt Ingveldi frænku sinni. Ingveldur opnaði fyrir Kristni og sagði "hæ". Inga sagði svo þegar Kristinn gekk inn í húsið: "Velkominn Kristinn".

Mamma, ég gleymdi að láta sólarvörn á dýrin......

2009-05-22T10:56:00.000-07:00

sagði Inga við mig í Húsdýragarðinum. Hún er svo umhyggjusöm þessi elska. Hún er líka örugglega ein af fáum sem hafði miklar áhyggjur af Kamillu litlu þegar Kasper, Jesper og Jónatan voru búnir að ræna Soffíu frænku.
Þegar pabbi var í heimsókn um daginn og við vorum eitthvað að ræða allt sem er að gerast á Íslandi, komst ég svo að orði að núna væri þetta nú bara þannig að enginn treystir neinum lengur. Þá segir daman: "En treystir þú ekki mér mamma?".

Litli bróðir bætir stanslaust í orðaforðann. Núna segir hann ekki, bíbí og komdu. Hann sagði líka við systur sína þegar hún kom fram einn morguninn "hæ Inga". Hann er farinn að príla upp í sófa þannig að hér er mikið fjör í vændum.

Annars vorum ég og börnin að koma úr sundi með Ásrúnu, Bergi og Ingveldi. Það var svaka fjör og verður vonandi margendurtekið í sumar:).

Tvær góðar af Ingu, Bergi og Ingveldi:)

2009-05-15T15:03:00.001-07:00

Lífið er tóm gleði!:)

Duglegi Kristinn

2009-05-15T04:50:00.000-07:00

Kristinn Tjörvi fór í aukaskoðun í gær því hann hafði ekki þyngst svo mikið frá 8-12 mánaða. Skýringin er sú að hann var stanslaust á pensilíni út af eyrunum og var lystarlítill og allt rann í gegn!

Núna er hann búinn að finna sína kúrfu aftur, og er rétt undir meðallagi bæði í lengd og þyngd. Hann er orðinn 10,4 kg og 77,5 cm.

Því má við bæta að hjúkrunarfræðingurinn nefndi að hann væri með góðan hreyfi- og málþroska, farinn að segja mikið miðað við aldur og miðað við að vera strákur (þeir eru víst seinni í þessu:)). Viðmiðunin er 6-10 orð 18 mánaða. Hann er nú þegar kominn með 10-15 orð og búinn að mynda fyrstu setninguna:). Hún sagði að hann væri einn af þeim sem verður gaman að fá í tveggja og hálfs árs skoðunina;).

Maður má nú alveg monta sig smá!:)

"Mamma meira"

2009-05-13T14:18:00.000-07:00

Fyrsta tveggja orða setningin hjá Kristni kom í gær:). Þetta sagði hann þegar hann vildi ábót á hádegismatinn.
Hann er semsagt farinn að segja meira. Segir líka sjáðu og skór.

Systkinin í góðum gír:)

2009-05-11T06:13:00.000-07:00

Inga mín, sæt og fín:)

2009-05-07T05:24:00.000-07:00

Hún er alltaf sami snillingurinn þetta barn. Ég sagði henni frá því um daginn að núna væri Kristinn hættur að fá brjóst hjá mér. Þá sagði hún:

"Fara brjóstin þín þá mamma??"

Inga gullmoli

2009-05-03T16:37:00.000-07:00

Inga sagði í morgun:
"Eftir 10 daga þá byrja ég í Fossvogsskóla og þá má ég skeina mér sjálf!"

- hún getur ekki beðið eftir að fá að framkvæma þá aðgerð sjálf, en ég veit ekki hvernig henni datt þetta í hug:)

Inga sagði líka um daginn:
"Bráðum fæ ég barn í magann og þá eigum við 2 börn saman mamma. Ég eitt og þú eitt"

- Kristinn er barnið mitt, Inga er stóra stelpan mín. Hún verður sármóðguð þegar það er sagt við hana að hún sé barn:)

Og að lokum. Inga biður alltaf um eitt óskalag í bílnum núna, "lítil mexíkanína".......við erum ekkert að leiðrétta það. Fær okkur alltaf til að brosa:).

Gullmoli

2009-04-30T14:26:00.000-07:00

Kristinn var kámugur á höndunum og teygði sig í systur sína. Inga sagði þá:

"Ekki klína í mig Kristinn. Ég er ekki pappír".

Kristinn er orðinn svo mikill krakki eftir að hann byrjaði að labba og þau eru byrjuð að leika sér mikið saman systkinin. Þeim finnst skemmtilegast að vera úti í garði. Áðan voru þau að drullumalla og það var svaka sport. Þau fóru svo saman í bað eftir kvöldmatinn og busluðu og hlógu mikið:).

Það bætist við orðaforðann hjá Kristni á hverjum degi. Hann er farinn að sofa í sínu herbergi, svaka duglegur:).

Fleiri orð

2009-04-26T16:23:00.000-07:00

Gleymdi að segja frá því að litli maðurinn er farinn að segja Inga og bæbæ:). Ótrúlegt hvað hann er að taka mikið þroskastökk núna. Börn breytast líka svo mikið við að byrja að labba.

"Bráðum verður þú stór ...........

2009-04-22T05:28:00.000-07:00

og getur hlaupið mikið eins og ég og þá færð þú tyggjó Kristinn!" -sagði Inga við bróður sinn í gær:)

Allt gott að frétta af okkur. Kristinn hleypur um allt og Ingu finnst rosalega gaman að leiða hann. Þau eru algjör krútt þegar leiðast út um allt:).

Það nýjasta hjá Kristni er að segja "oooóóóó". Hann verður flottur prakkari eins og stóra systir!

Rakel Sara í heimsókn

2009-04-15T14:14:00.000-07:00

Mikið stuð hjá þeim í dag:)

Labbandi Kristinn

2009-04-13T15:25:00.001-07:00

Jæja, þá er drengurinn farinn að æða út um allt á tveimur jafnfljótum! Hann er búinn að taka sér dágóðan tíma í að þróa göngulagið, alveg rúmur mánuður síðan hann tók fyrstu skrefin!

Kristinn veit ekkert skemmtilegra en að tala í símann. Hann talar eitthvað tungumál með smellum og látum-hljómar eins og afrískt tungumál. Hann er annars farinn að segja ýmislegt:mamma, pabbi, amma, afi, taka, takk, datt, hæ, rúlla. Hann myndi kaupa sér miklar vinsældir ef hann myndi segja Inga:).

Inga Bríet missir ekki af neinu. Ef við foreldrarnir erum að ræða eitthvað sem hún á ekkert endilega að heyra þá segir hún: "taliði hærra, ég heyri ekki!". Svo vill hún skýringar á öllu - er á "af hverju??"-skeiðinu.

Smá mont

2009-03-27T06:59:00.000-07:00

Mamman tekur þátt í prjónaæðinu og "skellti í" einn skokk:)

Sætu frænkurnar

2009-03-24T01:40:00.000-07:00

Þórir náði þessari seríu af frænkunum Ingu Bríeti og Kareni Emmu um helgina:)

Ráðagóða Inga

2009-03-20T15:32:00.000-07:00

Enn ein snilldin!

Mamma, Karíus og Baktus verða bara að fara í fangelsi.........þá komast þeir ekki í tennurnar okkar!

Annars er Kristinn farinn að taka nokkur skref og auðvitað að springa úr monti! Hann er líka að bæta við nýjum orðum (8 orð komin) og kominn með 7 tennur:).

Gullmoli

2009-03-18T10:47:00.000-07:00

Inga fann bleikan ungbarnavettling inni í skáp hjá sér. Hún horfði á hann í augnablik og sagði svo:

"Ég átti þennan vettling þegar ég var ekki með þumalputta."

Kristinn Tjörvi eins árs í dag:)

2009-02-28T07:00:00.000-08:00

Nýtt útlit

2009-02-19T14:24:00.001-08:00

Ákvað að skipta um lit á síðunnil, nema hvað að þá hrundu út linkarnir! Bæti úr þessu von bráðar:)

Sjáiði flottu tennurnar mínar:)

2009-02-19T14:01:00.001-08:00

Elsku besta Inga Bríet 3 ára í dag!

2009-02-19T02:24:00.000-08:00

Eða eins og mamma syngur alltaf þegar ég á afmæli: " það er eins og gerst hafi í gær.........."

Hjartaknúsarinn

2009-02-16T03:42:00.001-08:00

Frænkurnar hressar!

2009-02-16T03:40:00.001-08:00

Flottar vinkonur

2009-02-16T03:37:00.000-08:00

Iðunn, Erika og Inga Bríet:)

Frænkurnar á gamlárskvöld

2009-02-16T01:38:00.001-08:00

Efnilegar! Karen, Ingveldur og Inga Bríet:)

Ein góð

2009-02-16T01:34:00.001-08:00

Systkinin á leið í afmæli.

Alltof langt síðan ég hef sett inn myndir........

2009-02-13T17:27:00.000-08:00

Systkinin sæt og fín á aðfangadag

Kristinn í stuði um jólin! Elton John hvað??

Inga er efni í skáld!

2009-01-29T13:50:00.000-08:00

"Mamma, það er fallegur dagur. Sólin er komin og skýin eru sofandi."

Þetta sagði dóttir mín, tæplega þriggja ára við mig þegar ég náði í hana í leikskólann í dag:)

Aftur eyrnarbólga

2009-01-25T15:03:00.000-08:00

Kristinn fékk aftur í eyrun og var veikur alla seinustu viku. Hann er kominn á lyf og er allt annar og allur að koma til. Hann er kominn með 6 tennur, þannig að það er búið að leggja mikið á lítinn mann undanfarið.
Kristinn er farinn að labba mikið meðfram og er farinn að ýta hlutum á undan sér gangandi. Hann babblar mikið og er rosalega forvitinn eins og stóra systir.....og mamman líka:).

Inga Bríet er alltaf jafn sniðug. Hún er í dansi í leikskólanum og þar er dansað við Abba! Uppáhaldslögin hennar eru núna Mamma mia, Þú komst við hjartað í mér og Jungledrumb...með Emiliönu Torrini:). Hún getur sungið með þeim öllum og vill alltaf dansa þegar þau heyrast í útvarpinu.

Að lokum. Inga sagði við mig um daginn:"Mér er illt í puttanum mamma"
Ég svaraði: "Af hverju"
Inga:"Af því að ég beit í hann"
Ég:"Af hverju gerðir þú það"
Inga:"Af því að mig langar í plástur!"

Gullkorn

2009-01-10T03:57:00.000-08:00

Inga Bríet svaf til 12:30 á nýársdag. Þegar við svo loks komum okkur út úr húsi seinnipartinn þá sagði sú stutta:

"Það gleymdist að koma dagur mamma".

Hún veltir mikið fyrir sér af hverju það er alltaf svona dimmt og skilur ekkert í því að hún fari á leikskólann "í nóttinni".

Smá af Kristni

2008-12-30T01:59:00.000-08:00

Kristinn er farinn að segja "daaaahh" þegar eitthvað dettur, ja eða þegar hann kastar einhverju frá sér:). Hann er líka farinn að reyna að taka skref meðfram og þar af leiðandi er hann mikið að detta greyið:/. Hann er farinn að skríða eðlilega, þ.e. hættur að draga sig áfram á maganum. Allar þessar framfarir gerðust kannski fyrir tveimur vikum.

Það glittir í einhverjar tennur hjá honum. Hann er búinn að vera dálítið órólegur undanfarið og búinn að vera duglegur að naga það sem hendi er næst:).

Hann er laus við eyrnabólguna. Fékk 3x pensilín á stuttum tíma greyið. Vonandi blossar þetta ekki upp aftur!

Sætust í heimi:)

2008-12-28T03:05:00.000-08:00

Gleðileg jól og hafið það gott yfir hátíðirnar:)

2008-12-23T10:21:00.001-08:00

Inga á svör við ÖLLU

2008-12-14T12:44:00.000-08:00

Við erum að sjálfsögðu búin að segja við Ingu Bríeti að óþekk börn fá kartöflu í skóinn. Þegar ég var að setja hana í rúmið í kvöld spurði ég hana hvort hún ætlaði ekki að vera dugleg að fara að sofa. Þá segir sú stutta:

"Jólasveinninn á ekki neinar kartöflur"

Lasinn en glaður

2008-12-13T01:05:00.000-08:00

Kristinn fékk aftur í eyrað í vikunni en er allur að koma til. Hann er líka að taka tennur þannig að það er mikið lagt á litla kút. En hann er alltaf jafn glaður og góður og lætur þetta lítið á sig fá:).

Jólasveinninn kom í Brautarland

2008-12-13T01:00:00.000-08:00

Inga með fyrstu gjöfina frá Stekkjastaur. Var rosalega ánægð en sagði samt að hún fengi nammi á morgun....

Enn um Ingu Bríeti og ímyndunaraflið:)

2008-12-13T00:55:00.001-08:00

Inga Bríet braut annað glerið úr sólgleraugunum sínum og þegar ég var í þann mund að fara að skamma hana fyrir það þá segir ungfrú ótrúleg: "nú er ég sjóræningi mamma"

Inga Bríet var ein að leira inni í eldhúsi. Allt í einu heyrum við hana blása og ákváðum að kíkja á hvað daman var að bauka. Þá var hún búin að búa til köku úr leirnum og troða litum í leirin sem áttu að vera afmæliskertin......

Inga lét skóinn út í glugga í gærkvöldi.....

2008-12-12T02:32:00.000-08:00

....og græddi Hello Kitty límmiða og mandarínu:)

Ég hef ekki minna gaman að þessu en hún!:)

Priceless

2008-12-06T15:10:00.000-08:00

Inga Bríet á klósettinu að gera nr.2.

blúps......Inga lítur yfir öxlina og segir: "Þessi er lítill"....stuttu seinna bætist annar í hópinn og þá segir Inga: "Þarna kom mamma hans!"

Ég hélt ég yrði ekki eldri!

---------------

Inga Bríet var í fjölskylduboði til miðnættis í gær. Við þurftum að draga hana út, hún vildi sko ekki fara í miðju partýi. Þegar við erum að bakka út úr bílastæðinu segir sú stutta : "En það er fólk ennþá í veislunni"

Bölvað svindl að vera tæplega 3 ára og fá bara að vera til 12!

Fyrsta tönnin:)

2008-12-05T02:04:00.000-08:00

Fyrsta tönnin komin í gegn hjá Kristni Tjörva. Hún er í neðri góm, sem er mjög gott þar sem hann er ennþá á brjósti:) hehe...

Pabbi hans fann tönnina í gærkvöldi:)

Inga Inga Inga

2008-12-04T14:18:00.001-08:00

Já hún Inga Bríet er engri lík, hér koma nokkrar góðar sögur af henni:

Þegar ég kom að ná í Ingu í leikskólann í gær þá var það fyrsta sem var sagt við mig : "Nú, þú ert ekki fótbrotin". Ég var auðvitað frekar hissa en heyrði svo að Inga hefði sagt frá því um morguninn. Konurnar voru búnar að vorkenna mér allan daginn og svo birtist ég þarna óbrotin- hehehe!
--------

Inga: " Mamma, ég var einu sinni ljón og þá kom ég í sjónvarpinu"
---------

Bjössi var að breiða sænginni yfir Ingu og sagði við hana að hann ætlaði að pakka henni inn. Þá sagði sú stutta: "Ætlarðu að gefa mig í afmælisgjöf?"

Það er af nógu af taka, en ég læt þetta duga í bili:).

Inga Bríet í hnotskurn

2008-12-03T03:55:00.000-08:00

Lífið er tóm gleði!

Tvær góðar

2008-12-03T03:50:00.000-08:00

Mamma ég er upptekin.....

2008-11-27T09:28:00.000-08:00

.........sagði dóttir mín við mig áðan þegar ég kallaði á hana:)

Systkinin sætu

2008-11-26T14:30:00.000-08:00

Kristinn er í fyrsta skipti lasinn. Ég fór með hann til læknis í gær og það kom í ljós að hann er kominn með í annað eyrað. Hann er búinn að vera stíflaður með slím í smá tíma. Læknirinn sagði að hann væri greinilega búinn að vera með þetta í eyranu í einhvern tíma og sagði að hann væri greinilega "algjör nagli" víst hann var ekkert farinn að kvarta fyrr. Svo horfði hann í augun á honum og sagði "Það á enginn meira skilið en þú að fá pensilín"....hehe
Hann er allur betri núna, greinilega fljótt að virka.

Allt gott að frétta af Ingu fjörkálfi. Hún og einn strákur á deildinni hennar eru einu börnin sem leggja sig ekkert á daginn. Í dag var svo mikið fjör í þeim að það var farið með þau í salinn svo "litlu börnin" (eins og Inga kallar þau - NB þau eru öll fædd 2005 og 2006 á deildinni) gætu sofið. Þeim fannst það auðvitað bara fjör að fá að hlaupa þar um á meðan. Þegar ég svo spurði Ingu af hverju þau hefðu farið í salinn þá sagði hún: "út af því að við vorum að trufla" - hehehe!

Inga Bríet er orðin svaka flink að teikna og gerir mikið af því bæði í leikskólanum og hér heima. Hún teiknar karla með augu, munn, hár, hendur og fætur. Er mikið í því að teikna sig og foreldra sína:). Teiknar líka sól voða fallega. Svo er hugmyndaflugið í þessu jafn mikið og í öðru; segist vera að teikna könguló, risaeðlu o.s.frv. Hún merkir svo alltaf myndirnar og segist vera að skrifa nafnið sitt, er alveg með skriftartaktana á hreinu!:)

Systkinin að leika í Ingu herbergi

2008-11-26T04:22:00.000-08:00

Samræður í morgunsárið

2008-11-18T14:37:00.000-08:00

Þegar ég var að labba með Ingu á leikskólann í gær áttu sér stað þessar samræður.

INGA: "Mamma tungið er að fara"
ÉG: "Hvert er það að fara"
INGA: "Til mömmu sinnar, lengst út í geim. Mamma, tunglið er svangt"
ÉG: "Hvað borðar tunglið"
INGA: "Kjötbollur. Mikið af kjötbollum. Það festist kjötbolla í hálsinum á tunglinu. Og það þarf að gubba"

Gullmolar

2008-11-14T09:26:00.001-08:00

Það fótbrotnaði strákur á deildinni hennar Ingu og hún sagði mér að hann hefði farið til "spítalands".

"Mamma, það er komin ný nótt" sagði Inga eitt kvöldið.

Það vinsælasta hjá Kristni þessa dagana er að fikta í snúrum. Hann er svakalega snöggur á milli staða, og stefnir alltaf beint í snúrurnar. Þegar ég var einn daginn búin að taka hann margsinnis frá snúrunum þá spurði Inga mig hvort hann væri óþekkur. Ég svaraði því játandi. Þá sagði Inga: "Eigum við að setja hann í aukaherbergið?" (það er skammakrókurinn á þessu heimili:)).